Алдағы күндері Қазақстанда күн ысиды
Кей өңірлерде найзағай ойнап, өткінші жаңбыр жауады.
Синоптик мамандар алдағы күндері ауа райы қандай болатынын болжады, деп хабарлайды Almaty-akshamy.kz.
Мамандардың болжауы бойынша, Қазақстанның көптеген өңірлерінде температуралық фон жоғарылайды деп күтілуде.
«Бұл Иран аудандарынан жылы және құрғақ ауа массаларының шығуына байланысты. Тек республиканың батысында шілде айының басында найзағаймен қысқа мерзімді жаңбыр жауады, бұл жылудың аздап әлсіреуіне ықпал етеді: түнде 17...22-ге дейін, күндіз 27.....35-ке дейін жылу. Республиканың солтүстігінде, шығысында және орталығында ауа температурасы түнде 15...22-ге, күндіз 30-....38-ге дейін жылу. Оңтүстік өңірлерде әлі де құрғақ және ыстық ауа райы түнде 20...25, күндіз 35....42 жылу, – деп хабарлайды Қазгидромет.
