Әйелдер күресінен U20 әлем чемпионатының финалына екі қазақстандық шықты
Софияда (Болгария) әйелдер күресінен U20 әлем чемпионатының алтын медалі үшін екі қазақстандық спортшы күреседі.
Финалға Алтын Шағаева (53 келіге дейін) мен Анастасия Панасович (72 келіге дейін) шықты, деп хабарлайды Almaty-akshamy.kz Ұлттық Олимпиада комитетіне сілтеме жасап.
Алтын Шағаева 1/2 финалда мысырлық Атеф Мохамедті жеңді. Шешуші жекпе-жекте ол Үндістаннан келген Антимге қарсы шығады.
Анастасия Панасович өз кезегінде жартылай финалда жапониялық Сумире Ниикурені жеңді. Енді ол Амит Элормен (АҚШ) күреседі.
