Әуезов ауданында бір ауысымда 200 адамды қабылдайтын отбасылық-дәрігерлік амбулатория салынуда
Денсаулық сақтау
Бүгін Алматы әкімі Ерболат Досаев Әуезов ауданы тұрғындарымен кездесті, деп хабарлайды Almaty-akshamy.kz.
Кездесуде жаңадан салынып жатқан әлеуметтік нысандар жайы да сөз болды.
«Алдыңғы кездесулерде айтқанымдай, 18-ші емханаға адамдар шамадан тыс көп тіркелген.
Осы емхана жүктемесін азайту үшін "Мамыр-1" шағынауданында бір ауысымда 200 адамды қабылдайтын отбасылық-дәрігерлік амбулатория салынуда. Бүгінде жұмыстардың 35%-ы аяқталды, құрылысты 2023 жылдың I тоқсанында бітіру жоспарланған», - деді қала әкімі Е.Досаев.
Сондай-ақ "Қуаныш" ықшамауданында бір ауысымда 300 адам қабылдайтын №18 емхананың негізгі ғимаратын салу жұмыстары жүргізілуде. Жуырда сатып алу үшін жер учаскесінің бағасы шығады, ендігі мәселе – құнын жердің иесімен келісу қажет.
