Әлем чемпионатында жапондық жанкүйерлер отырған орындарын жинап кетті
Футболдан әлем чемпионатында жапониялық жанкүйерлер мәдениеттілік үлгісін көрсетті.
Қазір футболсүйер бүкіл әлемнің назары Катарда. Қатар астанасы Доха қаласындағы «Халифа Интернейшнл» стадионында өткен ойында Жапония құрамасы Германияны 2:1 есебімен жеңді.
Тарихи жеңістен кейін жапониялық жанкүйерлер мәдениеттілік үлгісін көрсетті, деп хабарлайды Almaty-akshamy.kz ҚазАқпаратқа сілтеме жасап.
Өздері орналасқан бөліктегі қоқысты тазартып, оны арнайы жәшіктерге жеткізді. Осылайша өзгелерге өнеге көрсетті.
Е тобында сынға түсетін Жапония құрамасы енді екінші турда 27 қарашада Коста-Рикамен кездеседі.