2021 жылы елімізде туу көрсеткіші рекордтық деңгейге жетті
450,7 мыңға жуық бала дүниеге келген, бұл – тарихи максимум.
2021 жылы туу көрсеткіші 2020 жылмен салыстырғанда 25 мың адамға немесе (+5,9% ) өсті, деп хабарлайды Almaty-akshamy.kz Іnbusiness.kz сайтына сілтеме жасап.
Бірінші кредиттік бюроның баспасөз қызметінің мәліметінше, 2021 жылы туған әрбір екінші бала Қазақстанның оңтүстігінде дүниеге келген, жалпы үлесі 55% құрайды.
Солтүстік облыстарда дүниеге келгендер (Нұр-Сұлтанды қоса алғанда) 16% ғана. Бюроның мәліметінше, жоғарылаған тек туу көрсеткіші ғана емес. 2021 жылы Қазақстанда 183,4 мың адам қайтыс болды, бұл бір жыл бұрынғыдан 12,8%-ға (немесе 20,7 мың) артық. 2019 жылмен салыстырғанда, қайтыс болғандар саны 37,4%-ға (немесе 49,9 мың) артқан.
Осылайша, туу көрсеткішінің артуы халықтың табиғи өсіміне іс жүзінде әсер еткен жоқ. Өткен жылдың қорытындысы бойынша 267,3 мың адамды құрады, бұл соңғы 8 жылдағы орташа деңгейге сәйкес келеді.
