12 жасар Зарина Нұрғалиева - шахматтан әлем кубогінің қола жүлдегері
Атыраулық 12 жасар шахматшы әлем кубогының қола жүлдегері атанды
31 тамызда Халықаралық шахмат федерациясының (ФИДЕ) ұйымдастыруымен жасөспірімдер арасында жылдам шахматтан әлем кубогы өткізілді, деп хабарлайды almaty-akshamy.kz.
Әлем кубогына Tornelo.com платформасы арқылы іріктелген жас шахматшылар қатысты. Соның бірі - атыраулық Зарина Нұрғалиева. Спорт шеберлігіне үміткер санатын иеленген шахматшы 12 жасқа дейінгі қыздар арасындағы сайыста қола жүлдеге ие болған.
Әр санаттағы үздік үш қатысушы ФИДЕ-нің жүлде қоры 30 000 еуроны құрайтын 2021 жылғы онлайн кубогы үшін өтетін суперфиналға қатысуға үміткер болады.
