Бір тәулікте 12 275 алматылық екпе салдырды
Бүгінгі күнге дейін екпенің толық дозасын алғандардың жалпы саны 298 003 адамға жеткен. Бұл туралы қалалық қоғамдық денсаулық сақтау басқармасы мәлім етті, деп хабарлайды Almaty-akshamy.kz.
"29 маусым күні 12 275 алматылық вакцина салдырды. Биылғы жылдың 1 ақпаны мен 29 маусымы аралығында қалада вакцинаның толық дозасын 298 003 адам алды. Вакцина алғандардың ішінде 76 660 адам - 60 жастан асқан қариялар" - деп хабарлады басқарма.
Қалада 208 егу пункт жұмыс істеп тұр. 1 256 адамнан тұратын 307 егу бригадасы бар. Сонымен қатар, 40 көшпелі мобильді бригада ұйымдастырылды.
«Қазіргі таңда медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцина салу пункттері жұмыс істейді», - деп нақтылады денсаулық сақтау басқармасының баспасөз қызметі.
Қала бойынша вакцинаның қалдығы – бірінші компоненттің 54 680 дозасы және екінші компоненттің 109 491 дозасы бар. Айта кетейік, 26 маусым күні Алматыға QazVac вакцинасының 1 және 2 компонентінің 9 000 дозасы жеткізілді.