ӘЗІЛДЕР

– Қарындас, телефоныңызды беріңіз!

– Бұл не, бір көргеннен ғашық болу ма сонда?

– Қайдағы ғашықтық! Бұл – тонау!

 

***

– Күшті ерік-жігер дегеніміз не?

– Егер әйеліңіз телефон арқылы біреумен екі сағат сөй­лес­кеннен кейін де сіз «Ол кім сонша?» деп сұрамауға шыда­саңыз, ерік-жігердің күштілігі дегеніміз сол…

 

***

Мадонна мен Билл Гейтс жолы­­­ғып қалса керек.

–Менің дәулетімнің көптігі сонша, тіпті әлемнің өзін сатып ала аламын, – деп мақтаныпты Мадонна.

Сонда Гейтс:

–Ал мен оны сатады деп кім айтты? – депті.

 

***

– Мына бір кісі, жарты сағат болды, мәшиненің алдына түсіп ап қашып келеді: жынды ғой деймін өзі, – дейді  рульдегі әйелі.

– Ақымақ, тротуардан шығып, үлкен жолға түссеңші! – депті сонда жанында отырған күйеуі.

 

***

Кішкентай маса шешесінен сұрапты:

– Апа, мен ұшсам бола ма?

– Ажалыңа асықпай, отыр тыныш!

– Қызықсыз, адамдарға менің  ұшқаным қатты ұнайды.

– Оны кім айтты?

– Кеше түнде олардың  бәрі маған шапалақ ұрды ғой!

 

***

Концерт басталайын деп жат­қанда оркестрдің  алдыңғы қата­рында отырған бір музыкант дири­жерге:

– Ағай, шалбарыңыздың алды түймеленбепті, – деп сыбырлай­ды.

Оркестр мүшелерінің арасын­дағы әйелдерден ыңғайсыздан­ған дирижер:

– Кешіріңіздер, – деп теріс қарап, яғни зал толы көрер­мендерге бұрылып тұрып шалба­рының түймесін салып алыпты.

 

***

Тасбақа құмды даламен жорға­лап келе жатса, алдынан түйе шығыпты.

– Көктайғақ болып жатыр ма, немене? – деп сұрапты тасбақа түйеден.

– Жоға.

– Онда неге жолға көп құм сеуіп тастағансыңдар?

 

Дайындаған —

Сәкен СЫБАНБАЙ.

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *