Жастар сыбайлас жемқорлыққа қарсы

Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы жас ұрпаққа берері мол, жаңа мақсат-межелер қойған басты құжат. Осыған дейінгі Жолдаулардан бір ерекшелігі — мұнда еліміздің тұрақты дамуын қамтитын, мемлекетіміздің барлық саласына серпін беретін, халқымыздың игілігін көздейтін, сонымен қатар интеллектуалды салаға көп көңіл бөлінген.

Осы ретте Президент Н.Ә.На­зар­баев ерекше басым бағыт – сыбайлас жемқорлыққа қарсы күресті атап көрсетіп берді. Сыбай­лас жемқорлыққа қатысты мәселе әрқашан да Елбасы назарында.

Сыбайлас жемқорлықпен күресте көп нәрсе бүкіл қоғамның белсене атсалысуына байланысты. Өкінішке орай, жең ұшынан жалғасын табатын,  бармақ басты, көз қысты әдет әлі де болса қалмай келеді. Бұл дерт еліміздің дамуына, экономиканың өркен­деп өсуіне өріскел кедергі келтіретіні даусыз. Жемқорлық, парақорлық қоғамға, мемлекеті­міздің конституциялық негізіне қауіп төндіреді, сондықтан оны­мен күрес жүргізу жалпы ұлттық міндет, яғни баршамыздың ортақ ісіміз болуы керек.

Осы орайда Шет тілдер және іскерлік карьера университетінде «Жастар – сыбайлас жемқор­лыққа қарсы» атты «Дөңгелек үстел» өтті. Бұл іс-шараға уни­верситет оқытушылары, студент­тер­мен қатар, ата-аналар, құқық қорғау органдарының қызметкер­лері қатысты.

«Дөңгелек үстелді» ұйымдас­тырушы профессор У.К.Әбдіқа­лықов кіріспе сөзбен ашып, бұл іс-шараның маңыздылығы мен мақсатын таныстырды. Универ­ситет ректоры доктор, профессор Сабри Хизметли мырза «Сыбай­лас жемқорлыққа қарсы күрес – баршамыздың ортақ міндетіміз» деген тақырыпта өте мазмұнды баяндама жасады. Баяндамашы сыбайлас жемқорлық дегеніміз қоғам мүлкін талан-таражға салу, мемлекеттік қаржыны дұрыс пайдаланбау, парақорлық, еңбек­сіз пайда табуға жол беру екен­дігін айта келіп, жастарымызды Елбасы сенімін ақтап, адал да таза болуға шақырды.

Доцент М.Қ.Сембиновтың «Қазақстан Республикасы Прези­денті Н.Ә.Назарбаевтың «Төр­тінші өнеркәсіптік революция жағда­йын­дағы дамудың жаңа мүмкін­діктері» атты Жолдауындағы жемқор­лықпен күрес мәселелері және оны жүзеге асыру жолдары», аға оқытушы Е.Ақпанбаевтың «Жем­қор­лықпен күрес – әлемдік проблема», тарих мамандығы студенті Ұ.Бәкейдің «Жастар – жемқорлық пен парақорлыққа қарсы» атты баяндамалары да тартымды және мазмұнды болды.

«Дөңгелек үстелге» қатысу­шылар баяндамашыларға сұрақ­тар қойды, сонымен қатар өз ойларын ортаға салды.

Сыбайлас жемқорлықпен күресу бүгінгі күнгі күрделі мәселе­лердің бірі болып отыр. Сол себепті, еліміздің әлеуметтік-эко­номикалық дамуы, өсіп-өркен­деуі үшін Елбасы көздеп, іс-шара­лар жасалып жатқан кезде, алға басқан қадамды кейін тартып, дамуымызға тежеу болып отырған сыбайлас жемқорлықпен күресті күшейту – әрқайсымыздың аза­маттық борышымыз болып табы­лады.

Әсіресе, білім беру саласы студент жастарға тек білім беру ғана емес, олардың рухани және мәдени дамуының факторы бол­ғандықтан жастарымызды адал­дыққа, тазалыққа баулуы тиіс. Осы орайда өткізілген іс-шара қоғам мен мемлекеттің мүдделерін біріктіріп, жастары­мыздың сыбай­лас жемқорлық пен парақорлық­қа қарсы мәдениетін қалыптасты­рудағы маңызды іс бола алды.

«Болашағымыз – білімді де, мәдениетті жастар» деп Елбасы көрсеткендей, біз, жастарымызды отансүйгіштікпен қатар, олардың санасын жаңғырту, сыбайлас жемқорлықтың зардаптары, жастардың сыбайлас жемқор­лыққа қарсы мәдениетін қалып­тастыруға тиістіміз.

«Дөңгелек үстел модераторы» профессор У.Әбдіқалықов іс-шараны қорытындылай келе, сыбайлас жемқорлықтың еліміз үшін күрделі мәселе екендігі, оны­мен күрес ең өзекті сұрақтардың бірі екендігіне тоқталды. Сонымен қатар, «Дөңгелек үстелдің» мақ­са­ты – жастарымыздың құқық­тары мен бостандықтарын білуі, жемқорлыққа байланысты құ­қық­бұзушылықтың алдын алу, олар­дың жолын кесу және ашу болып табылатындығы туралы айтты.

«Дөңгелек үстел» соңында уни­верситет студенттері «Жастар – сыбайлас жемқорлыққа қарсы» деген Үндеу қабылдады. Қорыта келгенде, бұл жастарға күш-жігер беретін тағылымы мол іс-шара болды.

Ұлан ҚАДЫРБЕКҰЛЫ,

Шет тілдер және

іскерлік карьера

университетінің профессоры.