«ҮЗДІК СПИКЕР» АНЫҚТАЛДЫ

Алатау аудандық филиалы  бастауыш партия ұйымдары арасындағы байқауды бірінші болып өткізді

«Нұр Отан» партиясы Ала­тау аудандық филиалының ұйымдас­тыруымен Бастауыш партия ұйымы мүшелерінің арасында «Үздік спикер» байқауы өткізілді. Байқау­дың негізгі мақсаты – халық ара­сында емін-еркін сөйлеп, өз ойын ашық жеткізе алатын, шешендік өнер арқылы мем­лекеттік саясат, партиялық бағдарламаларды наси­хаттап, бұқараға түсіндіре білуде спикерлік қабілеті бар партия мүшелерін анықтау.

Байқаудың шарты бойынша қатысушы­лар тақырып таңдап, баяндама дайындап, аудито­рияны игеру шеберлігін көрсе­теді, сонымен қатар партияның бағдарламалық құжаттары және жобалары бойынша  сұрақтарға жауап береді. Осы критерийлер негізінде әділ қазылар өз баға­ларын беріп, жеңімпаздарды анықтайды.

Байқауда 10 қатысушы додаға түсті, олар  әр сала өкілдері. Әсіресе, денсаулық сақтау саласының өкілдері өздерінің белсенділіктерін танытып, осы сала бойынша қатысушылар қатары көп болды. Үміткерлердің жасына шектеу қойылған жоқ, кеше ғана диплом алып, білім саласында қызмет жасап жүрген жас мамандардан бастап, 40 жылдық еңбек өтілі бар жоғары буын өкілдері де осы байқауда бой көрсетті. Үміткерлер әр түрлі тақырыпта сөз қозғады, бірі өз саласы бойынша баяндама оқып жатса, енді бірі «Астана қала­сының 20 жылдығы» және «Ала­тау ауданының 10 жылдығына» байланысты дайындықтарын көрсетті.

Байқаудың әділ қазылар құ­рамында  «Нұр Отан» партиясы Алатау аудандық филиалы төра­ғасының бірінші орын­басары – Мұханқали Алма­саев, «Алматы ақшамы» газетінің бөлім редак­торы – Нұрлан Сү­йінов, «Ал­ғабас» ықшамауданы Ардагерлер алқасының төра­ғасы – Мәли Жапақұлы, «Нұр Отан» партия­сы Алатау аудандық филиалы Санақ және есеп-статистика бөліммінің меңгерушісі – Салтанат Ахмед­жанова және Алатау аудандық «Жас Отан» ЖҚ төрайымының орынбасары Жанерке Тоха­баева­лар қазы­лық етіп, жеңім­паз, жүлде­герлерді анықтады.

Байқау қорытындысы бойын­ша жүзден жүйрік шығып, өзінің нағыз спикер екенін көрсеткен «КаздорНИИ» АҚ-ың инженер маманы Алмат Такебаев жеңімпаз атанды. Тиісінше, екінші және үшінші орындарға Л.Б.Гончаров атын­дағы Қазақ жол-автомобиль академиясының проректоры Бекбол Рамазан және №26 жалпы білім беретін мектеп дирек­торының оқу-тәрбие ісі жөніндегі орын­басары Камила Жайылқанова ие болды.

Байқау нәтижесі бойынша жеңімпаз-жүлдегерлер мен салалық маман ретінде шыққан өкіл «Нұр Отан» партиясы қалалық конкурсқа жолдама алды.

Байқауды қорытындылаған филиал төрағасының бірінші орынбасары  М.Алмасаев пар­тия бағдарламасы аясындағы «Үздік спикер» байқауынының бірінші рет өткізіліп отырғанын айтып, жобаның мәні мен болашағы зор екендігіне тоқталды.

Қордай ЕСЕНБАЙ,

«Нұр Отан» партиясы Алатау аудандық филиалының қызметкері.