ЗАҢСЫЗ САЛСАҢ, ҚАМСЫЗ ҚАЛАСЫҢ

30Арнайы комиссия қалада тұрғын үйлерге  жапсарлас салынған 146 ірі құрылым­дардың бар екендігін анық­тады. Олар­дың қаншасы заң­сыз екені әзірге нақ­тылану үстін­де

Алматы қалалық Төтен­ше жағдайлар жөніндегі де­парта­ментінде өрт қаупі бар ке­зең­нің, суға шомылу мау­сы­­мы­ның бас­талуы және жап­сарлас салын­ған нысан­дар мәселесі бойын­ша  бри­финг болып өтті. Онда соңғы кезде қалада болған ірі өрт оқи­ғаларына қатысты жа­салған сараптама қорытын­дысы жария етілді.

«Алматыда сауда ойын-сауық кешен­дерінде және жап­сарлас құрылыс­тарда бол­ған өрт оқиғаларына сарап­тама жасалды. Соның нәти­жесінде бұл нысандар­дың көбісі жоба-сметалық құжат­та­масыз және басқа да рұқсат құжаттарын­сыз салынғаны белгілі болды. Жанғыш құры­лымдар өрттің тез тарауына мүмкіндік береді. Оның үстіне, бұл мекемелердің күзетшілері өртті алдымен 20-30 минут бойы өздері сөндіруге тырыс­қан. Өрт күшіне әбден мініп, үлкен аумаққа тарал­ғанда барып, өрт сөндіру­шілерді шақырған не­месе тіпті оларды кездейсоқ көріп қалғандар шақырып отырған. Міне осы себептен тіл­сіз жауды жою үшін жеке құрам мүшелері мен арнайы техникаларды көптеп жұмыл­дыруға тура келеді. Егер де күзетшілер өрт сөндіру қыз­метін дер кезінде шақырғанда өрт мұншалықты үлкен аумақ­қа тарап, залал келтірмес еді, — деді Алматы қалалық ТЖД техникалық мөлшерлеу басты­ғы, азамат­тық қорғаныс под­полковнигі Родриго Розен­бергс.

Айта кетелік, қазір Ал­ма­тыда тұрғын үйлерге жап­сар­лас салынған үй-жайларға тек­серу жүргізіліп, есепке алынып жатыр.

 

«Ақшам-Ақпарат».

 

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *