Студенттер үшін бар жағдай жасалу керек

ҚР Парламенті Сенатының депутаты, Әлеуметтік-мәдени даму және ғылым комитетінің мүшесі Бақытжан Жұмағұлов Н.Назарбаев­тың «Президенттің бес әлеу­меттік бастамасы» атты Үндеуін халыққа насихаттау үшін Т.Жүргенов атын­дағы Қазақ Ұлттық Өнер академия­сына келді. Кездесудің шымыл­дығын академияның ректоры, профессор Бибігүл Нүсіпжанова  ашты. – «Пре­зиденттің бес әлеу­меттік бастамасы» атты халыққа Үндеуінің маңызы зор. «Жақсы істі көр­генде жетуге асық» дейді қазақ даналығы. Жоғары білім алудың қолжетімділігі мен сапасын артты­рып, студент-жастардың жатақ­хана­дағы жағдайын жақсар­туда көптеген істер қолға алынады. Сонымен қатар, алдағы оқу жылын­да жас талапкер­лердің болаша­ғы жарқын болу үшін 20 мың оқу гранты бөлі­неді. Студенттер үйіндегі жатын орын­ды 75 мыңға арттыру – түлек­терге берілген мол мүмкіндік, – деді Б.Жұ­ма­ғұлов. Қазақстандық сту­дент­тер үшін жағдай жасау керек­тігін алға тартқан депу­тат өзге елде білім алған жастардың Қазақ­станға оралмауы үлкен мәселе екендігін атап өтті.

Бақытжан Тұрсынұлы Елба­сының қашанда жастарға үлкен үміт артатынын айта келіп,  Мәңгілік ел идеясына қазақ өнерін әлемге паш ететін  жас өнер иелерінің  үлкен үлес қосатындарына сенім білдірді.

Кездесу барысында  Театр өнері факуль­тетінің деканы, профессор Аман Құлбаев тарихы бай киелі шаңырақтан талай қазақ өнерінің тарландары түлеп ұшқанын тілге тиек етті. Сонымен қатар, акаде­мияға заман талабына сай оқу теа­трының жаңа ғимара­тының қажет­тілігі туындап отырғанын мәлімдеді. Академия ауласында жаңа зама­науи үлгідегі театрдың жобасы да дайын тұр екен.

 

«АҚШАМ-АҚПАРАТ».

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *