Мәжіліс депутаты Президент мұрағатында болды

Нұржамал ӘЛІШЕВА

Таяуда Қазақстан Респуб­ликасы Президентінің Архивінде Елбасы Нұрсұлтан Назарбаевтың «Президенттің бес әлеуметтік бастамасы» атты Үндеуін басшы­лыққа ала отырып, онда көрсетіл­ген негізгі қағидаларды түсіндіру мақсатында ҚР Парламенті Мә­жілісінің депутаты Абай Тас­болатовпен кездесу өтті. Жүз­десу­ге «Нұр Отан» партиясы Алматы қалалық филиалы саяси жұмыстар бөлімінің меңгерушісі Қайым-Мұнар Табеев, «Нұр Отан» пар­тиясы Медеу аудандық  филиалы төрағасының бірінші орынбасары Меруерт Мұқанова және Архив өкілдері қатысты.

ҚР Президенті Архивінің директоры Борис Жапаров кез­десу барысында Абай Бөлек­байұлының Архивтің қор құру­шысы болып табылатынын, оның жеке қорындағы ғылыми еңбек­тердің негізін Қазақ­станның Қарулы күштері тарихы бойынша құжаттар құрайтынын атап өтті. Генерал-лейтенант А.Тасболатов­тың фотоқұжаттары әскери тақы­рыпты зерттеп жүрген зерт­теушілерге қызық болары сөзсіз. Ал Архивтің Жинақтау және құжаттама басқармасының бас­шысы  Ж.Зейнелов А.Тас­болатов­тың жеке қоры туралы баяндама жасады.

ҚР Парламенті Мәжілісінің депутаты Абай Тасболатов өз сөзінде бес әлеуметтік бастама аясында әрбір қазақстандыққа, әрбір отбасына қатысты тұрғын үй бағдарламасының бірінші орында тұрғанын, сондай-ақ, Халықаралық істер бойынша комитеттің мүшесі ретінде ҚР Парламенті  Мәжілісінің, оның ішіндегі Қорғаныс және қауіп­сіздік комитетінің жұмысы ту­ралы да атап өтті. Сонымен қатар, Парламентте жақында ғана тал­қыға түскен Қазақ­станның архив заңнамасындағы өзгеріс­терге де тоқталды.

–Тарихсыз мемлекет жоқ, сондықтан архившілердің қызметі маңызды және құрметті. Менің ойымша, еліміздің нағыз патриот­тары архивтерде, кітапханаларда және музейлерде жұмыс істейді, – деген А.Тасболатов ерекше ілтипатын білдірді.

Архивке сапар барысында ха­лық қалаулысы Архив құжат­та­рын цифрландыру, құжаттарды сақтауды қамтамасыз ету сынды мәселелермен және оқырман за­лының жұмысымен, Архивтің ғылыми-зерттеу жобаларымен танысты.

 

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *