Халыққа ең көп қызмет көрсететін орган

Серік ЖҰМАБАЕВ

Алматы қаласы Өңірлік ком­муникациялар қыз­меті ала­ңында «Мемле­кеттік қыз­мет­ті құқықтық қамтамасыз ету және сыбайлас жемқор­лыққа қарсы күрестегі негіз­гі басымдықтар» тақы­ры­бында баспасөз конфе­ренциясы болып өтті. Оған Алматы қаласы Әді­лет департаментінің бас­шысы Гүлнар Ахметжан­қызы, оның орынбасары Берікбол Аманұллаұлы, депар­та­мент­тің ұйым­дастыру-тал­дау жұмысы бөлімінің бас­шысы Нау­рыз Ташенов, Ауыртпа­лық­тарды тіркеу және мұрағаттау бөлімінің бас­шысы Жарқын Өтеге­нов­тер қатысып, аталмыш мекеменің атқарып отыр­ған жұмыстары төңіре­гінде әңгіме өрбітті.

Айта кетейік, барлық мемлекеттік органдардың ішінде алғашқылардың бірі болып Әділет органдары мемлекеттік қызмет көрсетуді автоматтандыра бастады. Осының арқасында бұрынғы әкімшілік кедергілер барынша азайды, қызмет көрсету рәсімдері, олардың қолжетімділігі және ашықтығы айтарлықтай ықшамдалды, азаматтардың шенеуніктермен тікелей қарым-қатынасын азайту есебінен мемле­кеттік органдардың қызметінде сыбай­лас жемқорлық жағдайлары мейлін­ше азайды. Нақты дерекке сүйенетін бол­сақ, соңғы бір жылда қалалық Әділет департаменті қызметкерлерінің ешқайсысы сыбайлас жемқорлықпен жауапкершілікке тартыл­маған. Бұл – өте қуантарлық жағдай. Оны осы баспасөз мәслихатында бізге Алматы қаласы Әділет департаменті басшысының орынбасары Берікбол Аманұллаұлы жеткізді.

– Біз қызметкерлер арасында сыбайлас жемқорлыққа қатысты үгіт-насихат жұмыс­тарын ұдайы жүргізіп тұрамыз. Апта сайын, тіпті күнделікті әрбір қызметкермен семинар сабақтар жүргіземіз. Сондық­тан Алматы қаласы бойынша Әділет орган­дарында бірде-бір қызметкер сыбайлас жемқорлыққа қатысты жауапкершілікке тартылған жоқ, – деді ол.

Негізі, Әділет министрлігі халыққа ең көп мемлекеттік қызмет көрсететін мемле­кеттік органдардың қатарына жатады. Аумақтық әділет органдары 19 мемлекеттік қызметті көрсетуде. 2017 жылы әділет органдары 15,5 миллионнан астам мемле­кеттік қызмет көрсеткен. Бұл 2016 жылмен салыстырғанда, 28 пайызға артық. Көрсе­тілген қызметтердің ішінде қызметтердің басым бөлігін – 250 889 қызметті Алматы қаласы Әділет департаменті көрсеткен.

Мемлекеттік қызметтерді автоматтан­дыру – мемлекеттік қызметті дамытудың басты басымдықтарының бірі болып табылады. Олардың бір бөлігін азаматтар қазірдің өзінде электрондық форматта, тағы бір бөлігін – алдағы жылдардың ішінде ала алады. Бұл бағыттағы жұмыс ҚР Прези­дентінің «Қазақстанның үшінші жаңғы­руы: жаһандық бәсекеге қабілеттілік» (2017 жылғы 31 қаңтардағы) Жолдауын орындау мақсатында жүргізілуде. Сонымен қатар, бұл туралы Елбасының «Төртінші өнеркә­сіптік революция жағдайында дамудың жаңа мүмкіндіктері» (2018 жылғы 10 қаңтардағы) Жолдауында да айтылған.

– Жуырдағы Жолдауында Елбасымыз Қазақстанның алдына қойылған 10 маңыз­ды міндет туралы айтқан болатын. Мемле­кеттік басқарудың тиімділігін жақсарту, әр түрлі құжаттарды (еңбек кітапшаларына дейін) алуды цифрлау және мемлекеттік органдардың ақпараттық жүйелерін бірік­тіру мәселелеріне ерекше көңіл бөлінген. Осылайша жеке тұлғалар мемлекеттік қызметтерді үйден шықпай-ақ ала алады. Ал заңды тұлғалар көптеген ведомстволарға бару қажеттігінен құтылып, қажетті құжат­тарды «бір терезе» және «бір өтініш» прин­ципі бойынша алу мүмкіндігіне ие болды, – деді Алматы қаласы Әділет департа­ментінің басшысы Гүлнар Ахметжанқызы.

Алдағы уақытта аумақтық әділет орган­дары ұсынатын тағы 10 мемлекеттік қызмет автоматтандырылуы мүмкін. Олар­дың ішінде 10 мемлекеттік қызмет – заңды тұлғалар желісі, ал 6 мемлекеттік қызмет – заңды тұлғаларды ұйымдастыру желісі бойынша автоматтандырылмақ.