Бір күнгі табысы 1,5 млн. рубль екен

Әйгілі режиссер, Ресей кине­матографистер одағының төр­ағасы Никита Михалков өзінің 2017 жылғы табысы жөнінде түсіндірме берді.

Таяуда Ресей Мәдениет ми­нистрлігі мен Мәскеу мәдениет департаментінің ресми сайтында шығармашылық, өнер қайрат­керлерінің табысы жөнінде мәлі­мет жарияланған еді. Соның ішінде Никита Сергеевичтің көл-көсір табысы 529 млн. рубльден асып көш бастап тұр. Бұл шама­мен алғанда, бір күнде 1,5 млн. рубль тапқан деген сөз. Сонымен қатар, режиссердің жекемен­шігінде 86 жер телімі, алты тұрғын үйі, саяжай, алты апартамент, трактир, жеңіл көлік, ұшақ, т.б. бар көрінеді.

– Мен алты жасымнан, яғни ал­пыс жылдан астам уақыт жұ­мыс істеп келемін. Менің шет  ел­дегі сабақтарым, дәрістерім 20 мың­нан 35 мың долларға дейін тұрады. Сондай-ақ, мен карти­налары миллионға бағаланатын Суриков, Кончаловс­кийлердің мұрагерімін. Елуден астам фильм­ге түсіп және өзім режиссер ретін­де 15-тен астам кино түсірдім, – дейді актер.

Сонымен қатар, кино мэтрінің соңғы үш фильмінен 5 млрд. рубльдей табыс түскен. Мұның табыс көзі бір бұл сала емес. Ол бұл ретте өзінің қаржы менеджері бағалы қағаздармен, шетелдік футбол клубтарына емес, өзіміздің табысты мекемелерге инвестиция құюмен айналысатынын да атап өтті.

Режиссердің айтуынша, ол басқалар тәрізді тапқан-таянғанын туыстарының атына жазып, жасырудан аулақ екен.

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *