АЛМАТЫНЫҢ 1000 ЖЫЛДЫҒЫНА УНИВЕРСИАДАНЫҢ СПОРТ НЫСАНДАРЫ АШЫЛАДЫ

36Кеше қала әкімі Бауыржан Байбек «Универсиада-2017» халықаралық студенттік жарыстар өтетін спорт нысандарын аралап көрді. Болашақта қала тұрғындарының мұрасына айналатын бұл ғимараттар Алматының 1000 жылдығын мерекелеу қарсаңында есіктерін айқара ашатын болады.

Атап өтерлік жәйт, девальвация мен теңге бағамының өзгеруіне қарамастан құрылыс қарқынды жүруде және белгіленген мерзімінде аяқталады. «Универсиада» басшы­лығының мәліметі бойынша барлық спорт нысандары  биылғы жылдың 30 тамызында  пайдалануға беріледі. Мысалы, үстіміздегі жылдың 22 наурызында Медеу ауданындағы 3000 орынды Мұз аренасының жайма мұз айдыны дайын болады, ал, 6 шілдеде негізгі аренаның, әкімшілік ғимараттың құрылысы аяқталып, нысан айналасы абаттан­дырылады. Бұдан бөлек 12 мың орынды Мұз аренасының әкімшілік ғимаратының, бассейннің және жайма мұз айдынының құрылыс-монтаж жұмыстары толық аяқталып, нысанның негізгі блогы биылғы жыл­дың 9 мамырында беріледі, нысан айналасын абаттандыру 6 шіл­деде жүргізіледі. Атлеттер ауы­лындағы 5 мың орынды 4 тұрғын үй 22 наурызда беріледі, келесі 4 үй 9 мамырда іске қосылса, 6 шілдеде соңғы 2 тұрғын үйдің құрылысы аяқ­талады. Бұлардың айналасын көгал­дандыру мен абаттандыру жұмыс­тары 1 тамызда жүзеге асады, барлық нысандардың құрылыс-мон­таж жұ­мыстары тамыздың соңында аяқ­та­лып, биылғы жылдың 30 тамы­зында пайдалануға беріледі. Құры­лыс­тың әр кезеңі шаһар басшысы Б.Байбектің жеке бақылауына алын­ған.

Естеріңізге сала кетейік,  таяуда ғана 12 мың орынды Мұз арена­сының кіші аренасының (жайма мұз айдыны), жаңа бассейннің, Универ­сиада спорт нысандары мен Атлеттер ауылының бизнес-мүмкіндіктерінің тұсаукесерлері өткен болатын. Бұл шараға қала әкімі Бауыржан Бай­бекпен қатар,  спортшылар, бизнес­мендер, журналистер мен блогерлер қатысқан болатын.

 «АҚШАМ-АҚПАРАТ». 

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *