АЛМАТЫ ӘЛЕУМЕТТІК ҚАМҚОРЛЫҚ ЖАҒЫНАН ДА АЙМАҚТАРҒА ҮЛГІ

Қазақстан Республикасы Премьер-Минис­трінің орын­басары Г.Н.Әбдіқа­лы­қованың жетек­шілігіндегі үкі­меттік жұ­мыс тобы Алма­ты қа­ласында өз жұмысын жалғас­тырды.

Вице-премьер, Еңбек және халықты әлеуметтік қорғау министрі, қала әкімі Б.Байбек «Бақыт­ты отбасы» және «Белсенді ұзақ өмір» Жол карталарының іске асырылуы жөнінде кеңес өткізді.

Елбасы Н.Ә.Назарбаевтың тапсырмасы бойынша елімізде жаңа әлеуметтік саясат іске асы­рылуда. Басты міндет – азамат­тарымыздың өмір сүру сапасы мен әл-ауқатын арттыру. Бүгінде қалада көпбалалы аналар мен қарт адамдарды қолдауға бағытталған «Бақытты отбасы» және «Белсенді ұзақ өмір» Жол карта­лары іске асырылып, соның негізінде 13 шара қарастырылған Жол картасы бекітілді.

«Бір терезе» принципі бойынша құрылған «Бақытты отбасы» орта­лығы ашылуда. Онда заңгерлер, психологтар, жаттықтырушылар және т.б. әлеуметтік қызметкерлер көпбалалы және әлеуметтік жағынан аз қамтамасыз етілген отбасыларына қызмет көрсететін болады. «Бақытты отбасы» қайы­рымдылық қоры құрылып, меце­наттар мен жұртшылықтың арқа­сында қор 131 млн. теңгеден астам қаражат жинап, 1 мыңнан астам отбасына материалдық көмек көрсетілді. Алматы елімізде алғаш болып «Бақытты отбасы» жеңіл­детілген тұрғын үй бағдарламасын іске қосты. Алдағы мамыр айында 30 отбасын баспанамен қамта­масыз ету жоспарланып отыр.

Нұржамал ТЕГІНБАЙҚЫЗЫ

Әлеуметтік төлемдердің мөлшері де өсіп, өмірдің қиын жағдайына тап болған азаматтарға берілетін бір жолғы әлеуметтік көмек 10 айлық есептік көрсеткіштен (25 250 теңге) 20 айлық есептік көрсеткішке дейін (50 500 теңге) көбейді. Бұл шарамен 10 мыңнан астам отбасы қамтылатын болады. Содан кейін Г.Әбдіқалықова және Б.Сапарбаев аудандардың әкімдерімен, ірі кәсіпорындардың, бизнес-құрылымдар мен кәсіподақ ұйымдарының басшыларымен кездесу өткізіп, онда әлеуметтік әріптестік мәселелерін талқылады. 2015 жылдан бастап бизнестің әлеуметтік жауапкер­шілігі аясында 25,7 млрд. теңгеге 40-тан астам жоба іске асырылып келеді. Бүгінгі күні 21,6 млрд. теңге сомасына 32 жоба іске асырылды. 7 балабақша, 1 емхана, фельд­шер­лік-акушерлік пункт және т.б. салынды.

Көпбалалы аналармен кездесу бары­сында Премьер-Министрдің орынбасары мемлекет азаматтардың аз қамтылған санаттарына әлеуметтік қолдау көрсетуге бағытталған шаралар қабылдап жатқанын атап өтті. 1 сәуірден бастап атаулы әлеу­меттік көмек көрсету критерийлері ең төменгі күнкөріс деңгейінің 70%-на дейін артып, 20789 теңгені құрады, мамыр айынан бастап жалға берілетін тұрғын үй бөліне бастайды, ал 1 маусымнан бастап бюджет саласының жалақысы төмен қызмет­керлерінің еңбекақысы көбеймек. Білім беру және денсаулық сақтау жүйесіндегі қызметтердің сапасын арттыру бойынша шаралар қабылданатын болады. Сондай-ақ, жұмыс тобының мүшелері «Елбасының бес әлеуметтік бастамасы» аясында іске асырылып жатқан жаңалық­тар туралы ақпарат берді.

С.Д.Асфендияров атындағы ұлттық медицина университетінің жатақханасын аралау барысында Премьер-Министрдің орынбасары «Елбасының бес әлеуметтік бастамасын» іске асыру аясында Тұңғыш Президент тапсырмасының орындалу бары­сымен танысты. Гүлшара Әбдіқа­лы­қова жұмыс сапарының соңында жоғары оқу орындарының ректорларымен кездесу өткізді.

Кездесуде студент-жастардың өмір сүру жағдайын жақсарту жөніндегі үшінші бастаманың іске асырылу туралы ақпарат тыңдалып, жоғары білім берудегі өзекті мәселелер талқыланды. Жоғарыда аталған бастаманы орындау үшін қалада студент­тер жатақханаларын салу жұмысы жалға­суда. 39 жоғары оқу орны жұмыс істейді, онда 149 мың адам білім алады, оның 92 мыңнан астамы басқа қалалардан келген студенттер. Барлығы 95 жатақханада 30 мың (33%) студент тұрады.

Өткен жылы қаламызда жоғары оқу орындарының өз қаражатының есебінен 1200 орынға арналған 3 жатақхана пайда­лануға берілді. Ал биылғы жылы да өз қаражаттары есебінен 2 340 орынға арнал­ған 5 жатақхананың құрылысын аяқтау жоспарлануда. Кездесудің қорытындысы бойынша Премьер-Министрдің орынба­сары Г.Әбдіқалықова жатақханаларды уақытылы және сапалы пайдалануға беруді қамтамасыз ету, студенттерге қолайлы жағ­дайлар жасау үшін қажетті шаралар қабыл­дау жөнінде жоғары оқу орындарының ректорларына, мемлекеттік органдардың басшыларына бірқатар нақты тапсырмалар берді.

 

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *