Tour of Almaty-2019 жеңімпазы — Юрий Натаров

31 тамызда, жетінші халықаралық Tour of Almaty-2019 веложарысы аяқталды. Жарыс үшінші рет қатарынан көпкүндік форматта және екі кезеңнен тұрды.

30 тамызда өткен «Индустриялық паркте» бірінші кезең 118 шақырымнан тұрды. CCC Development Team командасының мүшесі поляк Патрик Штох жеңімпаз атанды. Екінші тау кезеңінде жарысушылар 160 шақырымды бағындырды. Бұл кезең Tour of Almaty-ның визиттік карточкасы іспеттес. «Халық Арена»-дан басталған жарыста қатысушылар Шығыс айналма автомобиль жолымен жоғары қарай жылжыды. Әл-Фараби даңғылына жетіп, пелотон Мұстафин көшесіндегі айналма бұрылысқа дейін жетіп қозғалысты батыс бағытта жалғастырды. Содан кейін Халиуллин көшесіндегі жолайрыққа қайта оралды. Жарысшылар 4,5 шеңбер жүріп өтіп, ары қарай Тұңғыш Президент атындағы саябақтан «Медеу» мұз айдынына дейінгі жарыстың финалдық кезеңіне өтті. Жарыс барысында барлық қатысушылар бірнеше рет шабуыл жасауға тырысты, бірақ әр жолы оларды жалпы топ жетіп алып отырды. Astana Pro Team-нен Юрий Натаров, Gazprom-RusVelo-дан ресейлік Николай Черкасов және Amore&Vita-Prodir-ден Данило Челаноның негізгі шабуылы шешуші болды. Олар жүлделі орындарға ие болды. Челано екінші кезеңнің 3:51:57 жеңімпазы атанды, Черкасов — екінші (+0,01). Натаров мәре сызығына үшінші болып (+0,04) келді. Ол бірінші кезеңдегі жаппай спринттен кейін құрылған команданың арқасында бас классификацияға қол жеткізді. Жалпы есепте қазақстандық 26-секундта ресейлік Gazprom-RusVelo шабандозы Александр Власов пен 38-секундта Челаноны басып озып, үшінші орынға тұрақтады.

«Жарыс маған ұнады. Командамызда біз үміт артқан екі үміткер болды. Стальновтың тауға жақсы шығатыны ешкімге құпия емес. Болар іс болды. Кеше біз Власов сияқты мықты шабандозбен бірге келдік. Алайда, жарыс барысында бәрі осылай болды. Мұнда мықты шабандоздар көп болды. Барлығын мұқяит қадағалау керек еді», — деді Натаров.

Сондай-ақ Натаров қазақстандық үздік шабандозының майкасының иегері атанды. Спринтерлік есепті бірінші кезеңнің жеңімпазы CCC Development Team-тен Патрик Штох иеленді. Ең үздік тау шабандозының «бұршақ майкасын» Vino Astana Motors-тан Евгений Федоров алды.

Tour of Almaty-2019-дың жалпы жүлде қоры 40 мың еуроны құрады. Әрбір кезеңде алғашқы 20 велошабандоз ақшалай сыйлықтармен марапатталды. Сондай-ақ, 20 спортшы бас классификацияның қорытындысы бойынша марапатталды. Бұдан өзге әр екі кезең бойынша және қорытынды кестеде қосымша классификацияның жеңімпаздары да жеке-жеке ақшалай сыйлықтармен марапатталды.

Қала әкімі Бақытжан Сағынтаев спортшыларды жеңістерімен құттықтап, алматылықтарға спорттық мереке сыйлағандары үшін ұйымдастырушыларға алғысын білдірді. Сондай-ақ Tour of Almaty кәсіби веложарысының Алматыда осымен жетінші рет өтіп жатқанын атап өтті. Қала басшысының айтуынша, бұл халықаралық оқиға мегаполистің спорттық және мәдени өмірінің бір бөлігі және оңтүстік астананың танымал брендіне айналды.

Қазақстандық велоспорт федерациясының президенті Дархан Қалетаев Tour of Almaty-ны облыстық деңгейге дейін көтеру керектігін тілге тиек етті.

«Алматы Туры» өз-өзін көрсетті. Менің ойымша, ол әлемдік велоспорттың күнтізбесінде лайықты орын алды. Бірақ жарыс аясын кеңейту керек. Жарысқа Алматы облысынан да қатысса деймін. Шарын шатқалы сияқты тамаша табиғи ресурстары бар олар жарыстың серіктесі болуы керек. Солай боларына сенемін де» — деді Д.Қалетаев.

Tour of Almaty-2019-ның бас ақпараттық серіктесі Qazsport телеарнасы болды. Сонымен қатар, Eurosport телеарнасының тікелей эфирінде екінші кезеңнің финалдық кезеңі көрсетілді.




Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *